|
|
Phawit Sangpunya
THAILAND
|
|
Kumusta bagong kaibigan,
Hello kaibigan ko....ikinagagalak kitang makilala....Ang
pangalan ko ay Phawit Sangpunya. Ako ay isang Thai. Ang tawag sa akin ay
Earn... ako ay 17-taong gulang. Thai ang aking wika at ako ay kasalukuyang
nagaaral sa mataas na paaralan o highschool. Ako ay ipinanganak sa
Ramathipbadee Hospital sa Bangkok, Thailand.
Ang Thailand ay napakagandang bansa. Karamihan dito ay
mababait, masayahin, mabubuting tao at palangiti. Ang Thailand ay kilala
bilang "Siam muang yim" na ang ibig sabihin ay "Lugar ng mga ngiti".
Ang mga pangunahing bayan ng Thailand ay Bangkok, Phuket,
Chian Mai, at Pattaya. Ang Phuket ay ang pinakamahalagang siyudad sa larangan
ng turismo dahil ito ang pinakamagandang lugar na pasyalan sa Thailand.
Mayroon ding international airport ang Phuket. Ang Phuket ay
sinasabing ang "Perlas ng Andaman".
Ang kabisera ng Thailand ay Bangkok, ito rin ang
pinakamataong siyudad sa Thailand. Ang pangalawa sa pinakamalaking siyudad ay
ang Chiang Mai at ang ikatlo ay Hat Yai. Phuket ang ikaapat sa
pinakamalaking siyudad. Ang Thailand ay mayroong 76 na probinsya.
Kaakit-akit ang halos lahat ng lugar sa Thailand ngunit
mayroon din namang iilang bagay na hindi kaiga-igaya dito. Ang ibang tao ay
makasarili at may mga ilang lugar na madumi. Matindi ang trapiko sa mga
lugar ng Bangkok, Chiang Mai, Hat Yai, at Phuket, pero OK lang sa akin dahil
mahal ko ang Thailand.
Nais ko na ang Thailand ay manatiling laging nasa
kaayusan.
Sana makapunta ka rin dito .
Nais ko rin malaman ang tungkol sa iyong bansa.
Inaasahan kong sasagutin mo ito….
Bumabati,
Earn
Isinalin sa
Pilipino ni Irene Aldovino
